-
Ստանալով Հիսուս Քրիստոսին որպես ձեր Տիրոջ և Փրկչի, դուք փրկվել եք։ Դուք վերածնված քրիստոնյա եք և ձեր անունը գրված է Կյանքի գրքում։ Ձեր հարցը հետևյալն է․ «Ո՞րն է լինելու հաջորդ քայլը»։ Քրիստոնյա դառնալը ճիշտ քայլ է, բայց սա միայն սկիզբն է։ Դուք պետք է դառնաք բարի, ուժեղ քրիստոնյա։ «Իսկ ինչպե՞ս եմ այդ անելու»։ Այս օրինակելի գրքում կսովորեք այն քայլերը, որոնք պետք է ձեռնարկեք, որպեսզի դառնաք ու մնաք ուժեղ քրիստոնյա, որը նաև պատրաստ է մահվանն ու հափշտակմանը։ -
Ոչ մեկս չի պլանավորում հայտնվել երկնքում՝ կատարած չլինելով այն գործերը, որոնք Աստված ցանկանում է, որ կատարենք երկրի վրա։ Ո՛չ մեկս։ Մենք ցանկանում ենք կատարել Աստծու կողմից մեզ տրված հանձնարարությունները: Այս գիրքն այն մասին է, թե ինչպես իրագործեք ձեր հոգևոր սպասավորությունը։ Այս գիրքը մի ուղեցույց է, թե ինչպես կարող ենք արձագանքել մեր կյանքում տեղի ունեցող աստվածային իրադարձություններին, որպեսզի չպարզվի, որ այդ օրը թերացել ենք: Թող որ իրագործեք ձեր հոգևոր սպասավորությունը, և թող Աստված ձեզ ասի. «Կեցցես, իմ լավ ու հավատարիմ ծառա՛»: -
Գիտեի՞ք, որ հին մարգարեները փնտրտուքներ կատարեցին և քննեցին այս մեծ փրկությունը, որը պետք է ի հայտ բերվեր մեզ համար։ Նրանք չէին կարող պատկերացնել, թե այս փրկությունը ինչպես է գալու մարդկանց ... բայց մենք օրհնված ենք ստանալո՛ւ այս փրկությունը: Մենք ստացել ենք փրկություն, քանզի ինչ-որ մեկը մեզ պատմել է դրա մասին: Այս հետաքրքրահարույց գրքում ավետարանիչ Դագ Հյուարդ-Միլզը ոչ միայն մեզ առաջնորդում է՝ հասկանալու մեր մեծ փրկությունը, այլև սովորեցնում է, թե ինչպես ուրիշներին հաղորդակից դարձնել փրկության այս մեծ ավետարանին։ Թո՛ղ որ մեզանից յուրաքանչյուրը կատարի ավետարանչի գործ։ -
Եկեղեցիներ հիմնելը մի երևույթ է, որը լայնորեն տարածված է ավետարանի սպասավորների շրջանում: Դա վաղ աշակերտների հիմնական գործունեությունն էր: Եկեղեցիների հաջող հիմնումը պահանջում է հմտություն և ներառում է բազմաթիվ գործոններ: Դագ Հյուարդ-Միլզը՝ երեք հազար եկեղեցիներ ունեցող համաշխարհային խարիզմատիկ հարանվանության հիմնադիրը, այս գրքում մեզ առաջնորդում է եկեղեցիներ հիմնելու գործի տարբեր բաղադրիչները վերլուծելիս։ Սա ուսուցողական ձեռնարկ է ցանկացած հոգևոր սպասավորի համար, ով ցանկանում է եկեղեցի հիմնելը դարձնել իր կյանքի ու ծառայության տեսլականը: -
«Եվ երբ աղոթքի կանգնեք, թե մեկի դեմ մի բան ունեք, ՆԵՐԵՑԵ՛Ք, ՈՐՊԵՍԶԻ ՁԵՐ ՀԱՅՐՆ ԷԼ, ՈՐ ԵՐԿՆՔՈՒՄ Է, ՆԵՐԻ ՁԵԶ ՁԵՐ ՀԱՆՑԱՆՔՆԵՐԸ» (Մարկ. 11.25)։ Այս խոսքերը ձեզ ստիպում են դողա՞լ։ Ուրեմն ձեր լուծումն այստեղ է: Այս շատ անհրաժեշտ գրքում կսովորեք հեշտությամբ ներել, որպեսզի դուք ևս վայելեք մեր երկնային Հոր ներողամտությունը: Թող այս գիրքը լինի ձեր ուղեկիցը, մինչև հասնեք այն կետին, երբ կկարողանաք հեշտությամբ և անկեղծորեն ներել: -
Մենք բոլորս անհամբեր սպասում ենք այն փառավոր կյանքին, որտեղ «ԱՅԼԵՎՍ ՆԶՈՎՔ ՉԻ ԼԻՆԵԼՈՒ»։Պատճառն այն է, որ կյանքում մենք հանդիպում ենք ձախորդությունների, կրկնվող հալածանքների, ունայնության, դժբախտության և հուսախաբությունների։ Անեծքը լավագույնս նկարագրում է այս տարաբախտ փորձառությունները, որոնք կարծես ծառանում են մեր առջև։ Կարո՞ղ ենք խուսափել դրանցից։ Ելք կա՞։ Այս գիրքը ձեզ կօգնի հասկանալ անեծքները և իմանալ, թե ինչպես արժանանալ օրհնության։ -
Հունարեն «ԼԱՅԿՈՍ» բառը նշանակում է «հմտություններ չունեցող»։ Պատմությունը մեզ կրկին ու կրկին սովորեցրել է, որ մեծամեծ գործեր են կատարվել այնպիսի մարդկանց միջոցով, ովքեր «հմտություններ չունեին»։ Դագ Հյուարդ-Միլզի այս երևելի գրքի միջոցով տեղեկացեք, թե ինչ է տեղի ունենում, երբ եկեղեցում չեն աշխատում չձեռնադրված մարդիկ, ինչպես կիսել բեռը չձեռնադրված մարդկանց հետ, և ինչու պետք է մենք պայքարենք՝ պաշտպանելու չձեռնադրված հոգևոր սպասավորությունը։ -
Գուցե լսել եք, որ լավ բան է Տիրոջը ծառայելը, բայց գուցե խորը չեք մտածել, թե որքան լավ բան է մեր Տեր Աստծուն ծառայելը: Դագ Հյուարդ-Միլզի այս առանձնահատուկ գրքում դուք կհասկանաք, թե ով է Աստծու ծառան, և ինչպես կարող եք ծառայել Տիրոջը: Թող որ գործնականում իմանաք տարբերությունը նրանց միջև, ովքեր ծառայում է Տիրոջը, և նրանց, ովքեր չեն ծառայում Նրան: Թող որ լինեք նրանց շարքերում, ովքեր ծառայո՛ւմ են Տիրոջը: -
Գիտե՞ք արդյոք, որ երկրի վրա մարդու կյանքը պատերազմ է: Մենք պատերազմի մեջ ենք, անկախ այն բանից՝ ուզում ենք, թե` ոչ: Աստվածաշունչն ասում է, որ քո կյանքը պատերազմ է: Դու պետք է կռվես հանուն բարի հավատի և հաղթես այդ պատերազմում: Պատերազմելու արվեստի վերաբերյալ այս նոր գիրքը պետք է ընթերցեն բոլոր առաջնորդները: -
Չկա ավելի կարևոր թեմա, քան Աստծու կամքի համաձայն ապրելը։ Ավետարանի սպասավորներին տարբերակող միակ բանը Աստծու ձայնը ճիշտ լսելու նրանց ունակությունն է։ Որքանո՞վ է կարևոր հետևել Սուրբ Հոգուն՝ Աստծու կամքը կատարելու համար։ Երբ դուք ապրեք Աստծու կամքի համաձայն, կծաղկեք ու կհասնեք այն ամենին, ինչ ցանկանում եք Աստծու համար։ Դագ Հյուարդ-Միլզի այս երևելի գործը մեծ ներգործություն կունենա ձեր կյանքի և հոգևոր սպասավորության վրա։ -
Մեզնից շատերը չեն հասկանում, թե Աստվածաշնչի բարու և չարի իմացության ծառի պատմությունը որքանով է վերաբերում մեզ: Մենք կարծում ենք, որ դա ցավալի դեպք էր, որն ազդեց Ադամի ու Եվայի վրա, իսկ մենք խույս ենք տվել դրանից: Դուք իսկապե՞ս խույս եք տվել բարու և չարի իմացության ծառից։ Այս պարզ ու դյուրըմռնելի գրքում դուք կհասկանաք, որ բարու և չարի իմացության ծառը այսօր դեռևս գոյություն ունի: Դուք նաև կպարզեք, որ դա մեզ համար նույն գայթակղությունն է ներկայացնում, ինչպես որ Ադամի ու Եվայի համար: Կհայտնաբերեք նաև ճշմարտություններ, որոնք ձեզ կօգնեն նավարկել կյանքի ու ծառայության միջով օգտագործելով այս գրքում ձեռք բերած գիտելիքները: -
"Հոգևոր հովիվները գտնվում են ճնշման տակ՝ լավ նորություններով ոգևորելու իրենց ծխականներին և տպավորություն գործելու նրանց վրա: Մարդկանց այս ճնշումն առաջացրել է Քրիստոսի խոսքերի խեղաթյուրում՝ այն աստիճան, որ խաչի պատգամը գրեթե անճանաչելի է դարձել։
